Thursday, February 28, 2008

Idirlíon Gaelach

Foilsíodh an t-alt seo inniu i Lá NuaSeans gurb é seo mo cholún deireannach do Lá Nua. Tá súil agam nach amhlaidh a thitfidh amach, ach tá baol ann nach foilseofar an nuachtán seo i ndiaidh Dé hAoine.

Tá mé spreagtha chun machnaimh mar sin, ag uair seo na cinniúna, ar na h-ábhair is mó plé a bhí agam i gcolún seo na ríomharí, agus ar stáid na Gaeilge sa cyber-spás.

Níl sé ach 2 bhliain ó thosnaíos ag scríobh an cholúin seo. Ach measaim féin go bhfuil athrú suntasach tagtha ar an idirlíon gaelach. San am san, bhíos an-chorraithe faoi dheiseanna agus faoi bhuanna na blagadóireachta. Agus tá fós! Go deimhin feictear dom go bhfuil geallúintí na mblaganna dá bhfíorú, cé nach bhfuil sé ag tarlú díreach sa tslí go rabhas ag súil leis.

Ag an am sin, ní raibh tusicint agam ar an dtabhacht a bheadh le cúrsaí físe. Ní raibh trácht ar YouTube, ná ar a leithéid. Cuimhnigh air! Níl ach dhá bhliain caite ón uair sin go mbímís ag iarraidh an t-idirlíon a shamhlú, gan físeáin a lua!

Ná níor fhéadas a shamhlú go mbeadh daoine ag tréigint a mblaganna ar mhaithe le córais mhionteachtaireachtaí ar nós Twitter.

Ach an rud is mó nach raibh coinne agam leis, ainneoinn an chíocrais a bhí agam don bhfás agus don bhforbairt seo go léir? Ní raibh coinne faoin spéir agam leis an siúl agus leis an bhfuadar atá faoi na h-athraithe seo. An bhfuíl tú cinnte nach bhfuil ann ach 2 bhliain?

Is mór an t-údar sásaimh dom an fhorbairt atá tagtha ar fhéin-fhoilsitheoireacht na Gaeilge ar an idirlíon sa tréimhse sin. Táim tréis súil a chaitheamh ar ghearr-liosta na mblaganna do Ghradam na Gaeilge ag an tríú Irish Blog Awards a bheidh ar siúl ag an deireadh seachtaine. Is mór an sásamh dom go bhfuil cuid mhaith acu nár chuala trácht orthu cheana – agus níos fearr fós: go bhfuil pobal tráchtairí ag cur agus ag cúiteamh i nGaeilge ar na suíomhanna sin, formhór acu nach bhfuil aithne agam orthu ó na gnáthshuíomhanna Gaeilge.

Is féidir an liosta a fháil ar an suíomh agam, ar imeall.com. Agus is féidir cliceáil ar an liosta go dtí na suíomhanna iad féin. B’fhéidir má bhíonn am saor agam an tseachtain seo chugainn, agus gan éinne ag iarraidh colúin orm, go dtabharfaidh mé faoi liosta na mblaganna Gaelacha a athshonrú dom féin.

Dála an scéil, bhí duine nó beirt i dteagmháil liom ag fiafraí an bhféadfadh grúpa blagadóirí Gaeilge bualadh lena chéile san iarnóin, roimh Ghradam na mBlaganna Dé Sathairn? Más cuimhin libh beidh na ban-bhlagadóirí, na fota-bhlagadóirí agus na bia-bhlagadóirí ag tapú an deis chun aithne níos fearr a chur ar a chéile! Cad faoi na gael-bhlagadóirí?

Mar sin, má tá tú i mBaile Átha Cliath Dé Sathairn, tugtar cuireadh duit bualadh isteach go dtí Óstán an Alexander, gar do Chearnóg Mhuirfean. Is ann a bheidh Gradam na mBlaganna féin níos déanaí sa tráthnóna, ach má chuireann tú cos thar táirseach isteach thart ar a 4 a chlog, beidh Gaeilge le clos sa seomra tosaigh ann, agus beidh fáilte romhatsa agus roimh do chuid Gaeilge chomh maith!
Íomhá do chruinniú na nGaelbhlagadóirí, deartha ag Sabrina Dent

Lipéid: , ,

3 Freagraí:

Arsa Blogger Séamas Poncán ...

Is trua nach mbeinn in ann freastal ar chruinniú na nGaelbhlagadóirí. Tá súil agam go bhfuil a fhios ag daoine go bhfuilimid ann thar sáile!

29 February, 2008 18:20  
Arsa Blogger Conn ...

Ach fhios againn é, a Shéamais!

Mar a dúirt anseo beidh deis ag an bpobal idirlín páirt a ghlacadh i gcuid den gcruinniú seo. Cuirfidh mé tuilleadh eolais ag barr an bhlag seo i gceann tamaillín.

01 March, 2008 07:14  
Arsa Blogger longge ...

For those who wish to acquaintance the adorableness and affluence of Swiss watch replica uk but don't wish to absorb abundant money, they should go for added ideal options. Buying buzz affluence watches are realistic, as continued as they attending accomplished and plan in acceptable condition.

23 November, 2010 05:58  

Post a Comment

<< Home