Tuesday, August 07, 2007

Imeall #177: Sceallóga Silicon agus Polcaí

Buail anseo chun éisteachta!

Tá an t-alt seo foilsithe in eagrán an lae inniu de Lá NuaMá tá suim agat sa phodchraoltóireacht beidh deis agat níos mó a fhoghlaim fúithi ag Podchampa Éireann a bheidh á reachtáil i gCill Chainnigh ar an 29ú Meán Fomhair.

“Neamhchomhdháil” atá sa Phodchampa. ‘Sé sin le rá go bhfuil sé ina bhunphrionsabal aige gur “reált” é gach duine a fhreastalóidh ar an ócáid. Cinnte, beidh saineolaithe ann ach, de réir rialacha na bpodchampaí, ní thabharfar tús áite dóibh agus iarrtar ar gach éinne páirt a ghlacadh.

Tá tuilleadh eolais ar bhlag an Phodchampa. Tá wiki ann chomh maith (leathanach idirlín ar féidir le h-éinne scríobh air) agus ní amháin gur féidir leat d’ainm a chlárú ann ach iarrtar ort do mholtaí féin a dhéanamh faoinar mhaith leat a fheiscint ag an bpodchampa. Beidh Podchampa Éireann saor in aisce.

Luaigh mé Pat Phelan an tseachtain seo chaite agus a chomhlacht Cubic Telecom. Bhí dea-scéal aige ó shin, nuair a chuala sé go bhfuil Cubic á mheas, san áireamh le 100 comhlacht eile, as a roghnófar 20 ar leith a geobhaidh an deis dul ar stáitse ós comhair mhór-infheisteoirí Silicon Valley ag an gcomhdháil TechCrunch20.

Ócáid é seo atá á reachtáil ag Michael Arrington, úinéar an bhlag TechCrunch. Is díol suime ann féin é scéal TechCrunch. Thosnaigh Michael an blag dhá bhliain ó shin chun tuairisceoireacht a dhéanamh ar na comhlachtaí úrnua a bhí ag teacht chun cinn i réimse na teicneolaíochta. Anois tá 16 eagarthóir fostaithe aige ag obair ar TechCrunch, blag a thuilleann breis agus $200,000 ón bhfógraíocht gach mí.

Níl aon amhras ach go bhfuil freastal maith ar sceálta teicneolaíochta i mblaganna, ach ní ar sceallóga silicon amháin a mhaireann na blagadóirí! Mar chruthúnas d’fhoilsigh blog.humblehousewife.com liosta de 30 blag Éireannacha a phléann cúrsaí bia agus dí! In a measc tá blag de chuid Ice Cream Ireland sa Daingean, a luadh cheana sa cholún seo. Ba dheas liom a léamh le linn na seachtaine, go mbeidh údar an bhlag sin, Kieran Murphy, ag scríobh colún seachtainiúil don Irish Times le linn mhí Lúnasa.

Agus fuaireas suíomh eile fíor-shuntasach ar an liosta céanna: ifoods.tv! Clár cócaireachta don idirlíon, meas tú? ‘Sea, ach tá níos mó ná sin i gceist. Tuigeann na cócairí seo an líonra sóisialta! Is féidir clárú leis an suíomh agus na h-oidis a phlé le h-úsáideoirí eile. Cruthaigh do leathanach féin ar an suíomh, agus beidh deis agat do chuid físeán cócaireachta féin a fhoilsiú ann! Blasta!
  • Rogha Ceoil Phodchraolta na Seachtaine: Throw Me a Line le Kevin Reeves.
Lipéid: , , , ,
Ceol Aitheantais: Sunshine with the Shade le The Reverse Engineers

2 Freagraí:

Arsa Blogger Dea ...

Thanks for the link! Got the gist of it, albeit not the specifics! ;-) Go raibh maith agat!

07 August, 2007 22:33  
Arsa Blogger Unknown ...

With a 41mm case diameter, any 'James Bond' to be, can dive with these replica watch upto 1000 feet which is approximately 300 meters depth.The watch looks classic with a stainless steel case, blue dial color and its usual date function. What you get is 'accuracy and better precision.

26 November, 2010 05:32  

Post a Comment

<< Home