Eithigh an Wall Street Journal
Tuairiscítear i mblaganna éagsúla gur fhoilsigh an Wall Street Journal (agus ní an Washington Post mar a dúirt i dtosach - gabh mo leithscéal) eagarfhocal le linn na seachtaine ag rá go gcuirfí daoine amú de bharr na n-athraithe i logainmneacha oifigiúla na Gaeltachta. Faraoir tá síntiús de dhíth chun an píosa a léamh, ach táim buíoch do Bernie Goldbach a chuir an téacs ar fáil ar a bhlag siúd.
Thapaíos an deis chun mo thuairim féin a nochtadh i bhfreagra ar mhír Bhernie.
Lipéid: irishblogs, gaeilge
Thapaíos an deis chun mo thuairim féin a nochtadh i bhfreagra ar mhír Bhernie.
Lipéid: irishblogs, gaeilge
Conn a scríobh ag 2:35 PM
2 Freagraí:
Má théann duine ar saoire san Fhrainc nó an Iodáil, ni bhíonn siad ag gearán faoi na comharthaí bóthar - is cuid den taithí eachtrannach é - agus níl anseo ach leithscéalta...
Is measa ná leithscéal é: is éitheach é. An té a scríobh, is amhlaidh gur chum sé bréag-scéal chun droch-cháil a tharrach ar Ghluaiseacht na Gaeilge. Is fuath leis an teanga, agus b'fhearr leis mura gcloisfí ná mura gcífí í.
Cuireann a leithéidí i leith Ghluaiseacht na Gaeilge go bhfuil siad ag cur uasal-aicme Éireannachais chun chinn: aicme eisiach do Ghaeilgeóirí amháin ag brú cearta na mBéarlóirí faoi chois. Is ráiméis chríochnaithe í seo - a mhalairt ghlan atá fíor. Is iad na frith-Ghaeilgeóirí, le barr fuatha agus eagla, atá ag iarraidh sainmhíniú Éireannachais a dhréachtadh atá bunaithe ar an aonteangachas amháin - agus a shéanann aon rian den oidhreacht ghaelach, ná de chearta lucht na Gaeilge. A deir siad: "Bíodh bhúr dteanga bheag agaibh - ach ná labhraígí linn í, ná ós ár gcomhair, mar go bpriocann sí an míshuaimhneas ionainn. Beimíd sásta má fhaigheann an teanga bás libhse."
M'anam ná gheobhaidh!
Post a Comment
<< Home