#76: Anois Teacht an Earraigh
le Antaine Ó Reachtaire (1784-1835)
Anois teacht an Earraigh beidh an lá dul chun síneadh,
Is tar eis na féil Bríde ardóidh mé mo sheol.
Ó chuir mé i mo cheann é ní stopfaidh me choíche
Go seasfaidh mé thíos i lár Chondae Mhaigh Eo.
I gClár Clainne Mhuiris a bhéas mé an chéad oíche,
Is i mBalla taobh thíos de 'thosós mé ag ól,
Go Coillte Mach rachad go ndéanfad cuairt mhíosa ann,
I bhfogas dhá mhíle do Bhéal an Áth' Mhóir.
Fágaim le huacht é go n-éiríonn mo chroíse
Mar éiríos an ghaoth nó mar 'scaipeas an ceo
Nuair a smaoiním ar Cheara nó ar Ghaileang taobh thíos de
Ar Sceathach a'Mhíle nó ar phlánaí Mhaigh Eo.
Cill Aodáin an baile a bhfásann gach ní ann,
Tá sméara is sú craobh ann is meas ar gach sórt,
Is dá mbéinnse i mo sheasamh i gceartlár mo dhaoine
D'imeodh an aois díom is bheinn arís óg.
- Ceol Podslán: Summer Time Rhodes le Steffen Coonan
Ceol Aitheantais: Sunshine with the Shade le The Reverse Engineers
Conn a scríobh ag 7:37 AM
2 Freagraí:
Rogha mhaith, a Choinn!
Tá a lán sneachta ar an dtalamh anso i Sasana Nua, agus tá sé aaaaaan-fhuar. Tá súil agam go mbeidh an Earrach ann go luath.
Conas a deirtear "brrrr" i nGaoluinn?
;-)
Ta Lus an Chromchinn ag borradh anseo! Tá sé fuar fós - ach déarfainn nach bhfuil sé chomh fuar againn agus atá agaibhse!
Cuireann sé ionadh orm i gcónaí a thapúla agus a thagann comharthaí beaga an ath-fháis tar éis na Nollag.
Beannachtaí na Féile Bríde chugaibh!
Post a Comment
<< Home