Tuesday, February 06, 2007

Imeall #173: Tionóltaí

  • Buail anseo chun éisteachta!

  • An Buathóir
  • Ceiliúradh an Bhua Mhóir! :) Go raibh míle maith agaibh as an dtacaíocht do An tImeall.
Foilsítear an t-alt seo inniu sa nuachtán Lá Nua.Tá fuinneamh ar leith i mblaganna na hÉireann le roinnt míonna anuas, agus éagsúlacht mhór ábhar á plé.

Slí amháin ina spreagtar an comhchaidreamh seo ná le cruinnithe a thugann deis do dhaoine a bhfuil "ríomh-aithne" acu ar a chéile, an caidreamh a fhorbairt. Tá seo ag tárlúint níos minicí le déanaí, agus tá an-éagsúlacht féin sna ócáidí atá dá reachtáil.

I bPort Láirge an mhí seo chaite, bhí tionól do bhlagadóirí na fiontraíochta agus na teicneolaíochta, BarCamp Ireland South-East, a reachtáladh ar champus Institiúid Teicneolaíochta Phort Láirge. Tháinig breis agus 80 duine le chéile le h-aghaidh chomhdháil neamhfhoirmeálta ar bhruach na Siúire chun clár ábhar a phlé a bhí roghnaithe acu féin, pléite roimh ré ar a mblaganna, agus leagtha amach acu féin ar shuíomh wiki (suíomh idirlín ar féidir leis an léitheoir a aistriú).

I measc na seisiún ba shuntasaí ag BarCamp bhí agallamh painéil le cúigear fiontraí gnó a bhfuil gnólachtaí idirlín á sheoladh acu: Joe Drumgoole (putplace.com), Conor O’Neill (loudervoice.com), Walter Higgins (pixenate.com), Jan Blanchard (touristr.com) agus Helene Haughney (zinadoo.com).

Tá cur síos an-mhaith ar imeachtaí an lae ar bhlag Ken McGuire, agus in áiteanna eile.

Cuireadh an-shuim i dtáirge Conor O'Neill, ó nochtaigh sé don chéad uair ag BarCamp cad é an saghas gnó a bheidh in LouderVoice. Seirbhís léirmheastóireachta atá i gceist leis, a chuideóidh le blagadóirí a gcáil, agus cáil a suíomhanna, a mhéadú.

Agus tá moltaí maithe ag Jan Blanchard d'éinne atá ag iarraidh gnó idirlín a bhunú in Éirinn. D'fhoilsigh sé 'cúig cheacht' atá foghlamtha aige féin ar blog.touristr.com.

Bhíos féin i láthair ag BarCamp, ag múineadh scileanna podchraoltoireachta. Chuir sé áthas orm an méid daoine a chuir suime sa seisiún a bhí agam féin le Bernie Goldbach, agus a raibh podchraoltaí seolta acu, nó a bhí ag caint ar phodchraoltaí a dheánamh. Is féidir éisteacht le cuid den tseisiún sin ar podcasting.ie. Agus bead i measc na gcainteoirí ag seimineár faoin dteideal "Podcasting for your business" faoi scáth na h-eagraíochta it@cork ar an 27ú Feabhra.

Is i gCorcaigh a thionólfar an chéad BarCamp eile i mí Bhealtaine (an dara cheann sa chathair sin) agus tuairiscíonn Paul Walsh ar an mblag web2ireland.org go bhfuiltear ag réiteach don gchéad BarCamp Bhaile Átha Cliath chomh maith.

Cé go bhfuil na BarChampaí neamh-fhoirmeálta go maith (tugtar "unconference" ar an modh comhdhála atá i gceist), is féidir blag-chruinnithe a eagrú ar bhonn níos éasca fós. An tseachtain seo chaite d'fhógair Paul, atá in a phríomhfheidhmeannach ar an gcomhlacht seirbhísí gréasán segala.com, go raibh rún aige dul i gcomhair béile curry oíche Déardaoin i mBaile Átha Cliath, agus d'iarr sé ar éinne a raibh suim acu a bheith i láthair dul i dteagmháil leis.

Bhíos-sa ag na Digital Media Awards an oíche chéanna, agus bhí scata beag blagadoirí i measc an tslua san áit sin chomh maith, ach 'sé an chéad mhórthionól eile a bheidh ag blagadóirí na hÉireann ná an Irish Blog Awards ar an 3ú Márta. Beidh lucht na teicneolaíochta agus na fiontraíochta ina mionlach ag an ócáid seo, nuair a dheinfear ceiliúradh ar líon agus ar éagsúlacht bhlaganna na tíre seo. Tionólfar an ócáid in Óstán an Alexander agus beidh fáilte roimh chách. Gearrfar táille beag ar an ndoras ar mhaithe le Brainwave, Cumann Titimis na hÉireann. Tá an pearsa raidio agus blagadóir Rick O'Shea ina phátrún ar an eagraíocht sin agus is é a bheidh in a fhear tí arís i mbliana. Tá tuilleadh eolais ag awards.ie.

  • Rogha Ceoil Phodchraolta na Seachtaine: The Way You Are le 46bliss.
Lipéid: , ,
Ceol Aitheantais: Sunshine with the Shade le The Reverse Engineers

2 Freagraí:

Arsa Anonymous Anonymous ...

A Choinn, a chara,
Beatha agus sláinte chughat. Aon tseans ar agallamh a dhéanamh leat faoin ngradam ar an Saol Ó Dheas ar RnaG amáireach (Dé Máirt 130207)? Dá bhféadfá freagra a sheoladh ar ais chugham ag ocinneide@rte.ie bheinn fíor bhuíoch. Dara Ó Cinnéide.

12 February, 2007 14:14  
Arsa Blogger Unknown ...

Certain models like the Seamaster, Speedmaster and Planet Ocean are decidedly accepted men's Replica Rolex even James Bond and Olympic swimmer Michael Phelps abrasion the Seamaster! Omega watches accept been complex with sports and amplitude analysis for years, and they appearance no assurance of stopping.

28 November, 2010 02:52  

Post a Comment

<< Home